DAMA (已結業)

慶祝男友生日食完飯後，帶了佢轉場到DAMA買蛋糕仔，給他一份驚喜。事前早已上網望過食評，多是寫該店水果雪糕為主，味道賣相係吸引嘅，但最吸引我的是該店的紅唇蛋糕，造型精緻顏色鮮艷，以兩個心心合併成一個紅唇，好有代表性我上網見到就已心心眼起，誓要借此神物氹得男友歡心，其它甜品改日再來食過好了。DAMA 烈豔紅唇蛋糕 $42蛋糕仔size唔細有半隻手掌大，鮮豔紅色表面光滑有點貴氣，唔講以為賣百幾蚊。難得賣相靚之餘，味道都咁掂。蛋糕口感綿綿鬆軟有點濕潤，莓味十足啖啖果香，蜜桃啫喱夾心添了份口感，甜而不膩食完非常滿足，四十二蚊感覺真係幾抵！