i kitchen (已結業)

位於觀塘既呢間I Kitchen係工業區，但唔難搵，入到去好舒適，食物質素真係好好，慶祝岩晒呀！意大利火腿伴溫室皺皮瓜$98🍈呢個用黎做前菜就岩岩好，又開胃，意大利火腿厚薄適中，味道香濃，唔會有豬騷味，加上蜜瓜一齊食口感岩岩好，更解油膩感👍🏻米蘭海鮮湯 $68😋海鮮湯有好多海鮮，好大隻既大頭蝦，其他青口果啲，好鮮味，而湯煮到好濃好稠，超級香濃好飲！香煎厚切鵝肝，牛肝菌意大利飯$168😍厚切既鵝肝好吸睛，煎到香脆既鵝肝裏面仲好軟滑，牛肝菌引好香，成個意大利飯都好濃味，岩晒啲重口味既朋友🤣但整體真係好好食！油封法國鴨髀伴煙肉煮白豆$188🦆鴨髀無鴨騷味，煎香既外皮滴佐好多油落白豆，令到啲白豆唔會好乾，鴨肉又嫩，仲有煙肉夾埋一齊食，好好既口感！檸檬雪芭🍧雪芭酸酸地，但加埋其他忌廉生果一齊食好香好好味，仲有少少開胃消滯，做甜品一流！