影片
更多
2021-07-11
424 浏览
咁啱呢間啱啱入選左Openrice既優秀法國菜餐廳開熱飯店，全線7折，所以好想嚟試下～ 雖然真係有啲遠，但係都係值得既！每一道試既菜都特別，同埋幾有新意～ 服務都ok，因為有fd生日，叫左餐廳畫碟，隻cinnamoroll畫得幾好，個fd都打左好耐卡😌 亦唔算有太多餐廳畫碟可以畫埋公仔，加上到食甜品的時候可能因為差唔多閂鋪，店員主動播埋生日歌 (係Neway嗰首)🤣 所以整體幾好feel，加埋野食吸引，所以真係值得一試！😋😋(5 😍 係滿分，🤩係半分）龍蝦湯牛角包 🦞🥐 (好味指數：😍😍😍😍🤩）— $58外皮好脆同有牛油🧈香，牛角包蜂裡面巢紋理分明，一切開就有好多香濃既龍蝦湯流出來，唔會因為只係個包既餡料而淡左，之後食既每一啖都食到有湯，咬落好鬆化，味道又夾真係正～ 果然係鎮店之寶之一😂 不過如果再creamy啲同杰啲既話流出來仲正，size比較小，真係只可以當starter西班牙黑毛豬腩配蘋果奶油瓜蓉 🐷🍎 (好味指數：😍😍😍😍😍）— $178平時有唔少人話呢個黑毛豬腩去到未必有得食，難得今有就叫嚟試下～ 切落去同食既時候都feel到有唔同層次😍 出面有焗過薄薄既藜麥同麵包糠脆皮🍞
(5 😍 係滿分，🤩係半分）
龍蝦湯牛角包 🦞🥐 (好味指數：😍😍😍😍🤩）— $58
外皮好脆同有牛油🧈香，牛角包蜂裡面巢紋理分明，一切開就有好多香濃既龍蝦湯流出來，唔會因為只係個包既餡料而淡左，之後食既每一啖都食到有湯，咬落好鬆化，味道又夾真係正～ 果然係鎮店之寶之一😂 不過如果再creamy啲同杰啲既話流出來仲正，size比較小，真係只可以當starter
龍蝦湯牛角包
$58
17 浏览
0 赞好
0 留言
西班牙黑毛豬腩配蘋果奶油瓜蓉 🐷🍎 (好味指數：😍😍😍😍😍）— $178
平時有唔少人話呢個黑毛豬腩去到未必有得食，難得今有就叫嚟試下～ 切落去同食既時候都feel到有唔同層次😍 出面有焗過薄薄既藜麥同麵包糠脆皮🍞 應該係慢煮之後有煎過嚟，肥膏同肉分明既唔同layers，入口即溶，外脆內軟，豬味好香又唔會鞋，白酒🍸燉蘋果蓉酸酸甜甜，而奶油瓜蓉就creamy同香甜 ，唔同既蓉配合埋個豬一齊食幾清新😎 特別兼有心思，keep住有唔同既感覺，同時中和翻豬腩既肥膩。炸芋絲都幾香脆，連埋豬腩食又係另一番體會～ 整體真係無得彈，真係要挑剔既就係份量少啲，如果純粹當主菜食會唔夠飽 😂
西班牙黑毛豬腩配蘋果奶油瓜蓉
$178
18 浏览
2 赞好
0 留言
慢煮香草雞胸穀物意大利飯 🌱🐔🍚 (好味指數：😍😍😍🤩）— $98
雞胸腍得嚟又入味，香草味幾出，又唔會蓋過左雞味，不過有啲鞋，之前見其他人既comments都係話幾嫩滑，可能係今次慢煮既火候把握等無咁好失左手。至於飯方面，用生熟薏米取代了平時食開既risotto，感覺好特別，有咬口之餘又索汁，亦都比普通飯飽肚，同時又好健康👍🏻 汁主要都係用左奶油瓜，佢都係南瓜既一種，但比起一般南瓜更加creamy同香甜，所以食落唔漏😌
慢煮香草雞胸穀物意大利飯
$98
18 浏览
0 赞好
0 留言
白桃芝味特飲 🍑🧀🍸 (好味指數：😍😍😍😍）— $44
飲落幾得意，有少少似飲啤酒🍻😂 個奶蓋同有汽桃汁既比例啱啱好，相輔相成，桃香唔會假味，表面既玫瑰花瓣碎令成杯野有少少淡淡既花香，加上桃汁有汽令成杯野更加清新！
紫薯芝味特飲 🍠🧀🍸 (好味指數：😍😍🤩）— $44
呢杯真係麻麻地，個奶蓋ok，但係可能因為紫薯味淡，加上有少少紅豆栗子🌰既成份，飲落有啲膩
白桃芝味特飲 & 紫薯芝味特飲
$44
17 浏览
0 赞好
0 留言
白松露雪糕配凍乾草莓🍦🍓 (好味指數：😍😍😍😍）— $108
感覺很奇妙，以往多數食黑松露意粉，食白松露甜品真的第一次，搞到每一啖都有食緊意粉既感覺 😂 白松露味好香，雲呢拿既香味又唔會喧賓奪主，凍乾草莓碎令個雪糕酸酸地，食落多層次左～ 不過唔知關唔關同壽星女影相影得有啲耐既緣故🙈 個甜品有啲溶溶地，唔係好分到個白松露雪糕同白松露N2O慕斯既分別，所以除左味道既層次之外，如果配料方面有多啲唔同既質感就perfect~
白松露雪糕配凍乾草莓
26 浏览
0 赞好
0 留言
**上面既價錢係未7折ga~ 7折完真係幾抵！兩個人食咁多野都係4百幾蚊～
好味指數：😍😍😍😍
推介指數：😍😍😍😍🤩
张贴
