海饌 - 海鮮牛扒餐廳 (Fashion Walk) (已結業)

今日同朋友黎呢間餐廳食生日飯🎂餐廳氣氛幾好，員工友善，環境佈置得好靚，踏入十二月，已經感受到聖誕嘅來臨🎄我地前菜叫左個水牛芝士番茄沙律🍅好清新，非常開胃，好中意食水牛芝士番茄！小食就叫左法式牛肉他他配松露脆米餅👍主菜叫左西班牙海鮮炒飯、好豐富幾足料，法芥醬忌廉燴黃油春雞配中東烤餅，有少少似葡國雞，雞肉嫩滑，烤餅沾埋個汁，好惹味👍烤阿根廷牛薄裙肉配布拉達芝士及阿根廷青椒醬，肉質軟稔，食落好有牛味，呢個都唔錯😍總括來說，食物整體不錯，值得推介，同朋友慶生聚會幾好。