影片
更多
2022-11-02
1020 浏览
最近去咗灣仔新派日式居酒屋 提早慶祝媽媽生日，餐廳主打新派日式菜，在大阪傳統飲食文化中加添新意帶出新口味，味道及presentation都好有驚喜！餐廳有壽司吧枱及卡位，我哋一行4人，坐喺靠玻璃窗嘅卡位，私隱度較高之餘，亦可欣賞灣仔繁華嘅夜景！晚市只供應2款menus，分別係Tasting Menu($980)及Ozakaya Journey($1380)，後者一定要提前預約，我哋點咗Tasting Menu，一次過試晒10道餐廳招牌菜式，性價比高！Tasting Menu edamame 呢度嘅枝豆灑上紫蘇，比平時嘅枝豆多咗一層芳香，送酒好夾。saitama fruit tomato 新鮮爽甜嘅日本埼玉番茄，配搭酸甜嘅柚子啫喱及紫蘇，味道清新開胃！ smoked botan ebi大廚將北海道帶子混合忌廉及牛油打成慕絲狀鋪墊，再放上柔軟新鮮嘅日本牡丹蝦刺身，牡丹蝦刺身以刁草油調配過，大大提鮮！一啖放落口，既食到牡丹蝦嘅綿密，又食到帶子慕斯嘅軟滑，配搭微酸嘅青蘋果莎莎，鮮味濃郁，味道好有層次！上檯時仲會聞到陣陣櫻花木嘅煙燻香，絕對係味覺及嗅覺嘅雙重享受，不愧為餐廳Signature！u
晚市只供應2款menus，分別係Tasting Menu($980)及Ozakaya Journey($1380)，後者一定要提前預約，我哋點咗Tasting Menu，一次過試晒10道餐廳招牌菜式，性價比高！Tasting Menu
edamame
呢度嘅枝豆灑上紫蘇，比平時嘅枝豆多咗一層芳香，送酒好夾。
saitama fruit tomato 新鮮爽甜嘅日本埼玉番茄，配搭酸甜嘅柚子啫喱及紫蘇，味道清新開胃！
smoked botan ebi大廚將北海道帶子混合忌廉及牛油打成慕絲狀鋪墊，再放上柔軟新鮮嘅日本牡丹蝦刺身，牡丹蝦刺身以刁草油調配過，大大提鮮！一啖放落口，既食到牡丹蝦嘅綿密，又食到帶子慕斯嘅軟滑，配搭微酸嘅青蘋果莎莎，鮮味濃郁，味道好有層次！上檯時仲會聞到陣陣櫻花木嘅煙燻香，絕對係味覺及嗅覺嘅雙重享受，不愧為餐廳Signature！
uni toast 餐廳另一招牌！海膽多士融合法日料理，法式多士先浸醬油同木魚高湯，再加牛油及糖煎香，最後再喺面層掃上松露醬，外脆內腍，味道豐富，配上一整排嘅北海道海膽，超鮮甜度爆錶！
wagyu beef tataki
阿根廷青醬同牛係絕配，大廚炙燒生和牛片後，配搭清甜嘅日本白蘿蔔與口味濃烈嘅阿根廷青醬，頗有新意！
sashimi (4) 每人都有一整盤刺身壽司拼盤，刺身、壽司各4件，實在太滿足太幸福啦！魚料全部都係日本直送，好新鮮，壽司舎利嘅調味及大小都啱啱好！最鐘意火灸拖羅壽司，拖羅油脂豐腴，火灸後更加迫出油香，再以矜貴嘅魚子醬點綴，增添鮮味！
tiger prawn。yasai tempura 天婦羅拼盤好豐富，除咗有爽口彈牙嘅虎蝦之外，仲有香甜粉綿嘅南瓜、蕃薯、爽甜嘅甜椒、茄子等，炸漿薄脆唔油膩。
angel hair - uni。ikura。lobster bisque 又係令人驚喜嘅一道！天使麵以龍蝦湯烹煮，面頭再放上慷慨嘅三文魚子及海膽，每啖都充滿鮮味，實在太好食啦！
amadai uroko-yaki- tomato miso paste ／ aus wagyu m+ rump cap 兩款主菜二選一，兩款都超吸引，我哋就一次過試晒兩款share食！甘鯛立鱗燒以高溫油炸表層，令鯛魚鱗片片片豎起，口感如薯片般香脆，同時魚肉依然保持嫩滑，伴碟嘅咖喱味噌係highlight，混合尼泊爾風味咖喱、日本味噌及番茄醬，味道好特別，同甘鯛立鱗燒好夾！
澳州和牛Rump cap多汁肉嫩，五成熟肉質粉嫩，穩陣之選。
zingy matcha chocolate lava
甜品以一個高質嘅抹茶心太軟作結，朱古力外層鬆脆，輕輕一切，濃郁回甘嘅抹茶漿就傾湧而出，入面仲有酸甜嘅紅莓醬平衡膩感，出色！
Cocktails / Mocktails Shiso Okinawa Pineapple Mojito ($138)
Ozatini ($138)
Golden Luna ($138)
Beriti($98)
嚟OZAKAYA都唔好錯過Cocktails！我點咗杯Shiso Mojito，以紫蘇葉取替薄荷葉，加埋沖繩菠蘿汁做base，果香十足，好飲！
PS. 臨走時餐廳仲送咗一人一罐清酒，由1826年創立嘅大阪釀酒廠 Daimon Brewery釀製，罐上嘅圖案仲可以拼埋整成一幅畫！
张贴
