SlôTH Café (已結業)

炮台山一間酒店附近開咗呢間sell慢活🍃嘅cafe，以慵懶嘅樹懶為主題，希望客人可以放鬆身心。呢度係pet friendly，有唔少人會帶埋狗狗🐶嚟chill。食物選擇方面有幾款日式定食，仲有唔少pastries同埋比較特別嘅俄羅斯蜂蜜蛋糕。不過呢日想食light啲就試下梳乎厘班戟先。玫瑰花糖漿梳乎厘班戟賣相好靚，見到班戟個樣好fluffy咁，仲有朱古力雪糕伴碟。先淋上玫瑰花糖漿，班戟帶有淡淡玫瑰花香🌹同少許蛋香，味道都唔錯，不過質感有待改善，食落比較漿口粘糊糊，唔知係咪未熟透呢😅😅🙈茉莉花茶味道較清淡，不過勝在幾大壺，可以慢慢飲。人均消費：$130推介指數（10分為滿分）：6分