慵懶生物 (已結業)

今日星期五，辛苦左一星期，係時候趁lunch time慵懶一下，返埋個下晝再為週末做好準備！係九龍城個度有間叫慵懶生物既cafe，除左咖啡，佢地都會提供包同意粉等既主食~餐廳要order食物再自己搵位，之後職員就會送餐，好好彩我地入去時仲有最後一張空枱，唔洗等位！餐廳有兩個鋪位，同埋室外位置，有寵物既朋友都可以帶埋寵物黎食～係樹蔭下面坐，好寫意~我唔太肚餓既關係，就叫左個smoked salmon bagel配自家制cream cheese~同事就叫左個拿坡厘奄列意粉~smoked salmon bagel配自家制cream cheesebagel上既芝麻烘焗完後好香，smoked salmon唔會太鹹，cream cheese 真係好有驚喜，有檸檬酸溜溜解膩，仲有淡淡刁草香，正~拿坡厘奄列意粉拿坡厘意粉食得多，但上面有奄列真係好特別~味道岩岩好~而意炒都al dente，呢個係日本stylea既西式料理～鋪頭感覺好舒服，好relaxing，好適合我呢D慵懶生物係渡過慵懶一天！