影片
更多
2008-12-05
15 浏览
多得阿K嘅閨中好友從英國遠道而來嘅大幫忙，使我地嘅婚禮可以順利進行。為咗慰勞佢，我地响剛剛過去嘅星期日中午聯同另一位好友一齊品嚐日式燒烤。今次嘅地點係位於東角中心嘅「和三昧」。聽聞「和三昧」嘅前物身叫「千登世」，响日式鐵板燒呢一個範疇佔據著一定嘅位置。揀中午嚟食，價錢係最主要嘅考慮。同一款食物，午市同晚市可以相距一倍。另一方面我同阿K都好想比較吓「和三昧」同早前食過嘅「松菱」，睇一下邊度比較優勝。我地一共嗌咗一個鮑魚牛肉套餐(二人前)、兩個海鮮餐(一人前)、一客牛舌、一客鵝肝、一客魚湯雜菜煲及一客清酒煮蜆，當然仲有免費嘅大廚即席表演神乎其技嘅燒烤功架。海鮮類有鮑魚(根據大廚講，大約有600g重)、兩隻大蝦、兩隻帶子、兩份銀鱈魚、十二隻蜆：鮑魚連殼上板加熱，鮑魚受熱之後逐漸加快蠕動，之後大廚突然手起刀落將肉身及殼分離，諗落有啲殘忍，不過美食當前，好快就唔記得晒。鮑魚肉質鮮甜爽脆，加上以清酒同牛油煮出嚟嘅汁吊味，桌上嘅醬油已經變得多此一舉；大蝦以類似嘅手法炮製，蝦殼响大廚刀叉嘅揮舞下，好似除衫一樣三爬兩撥已經清除得一乾二淨。蝦肉燒得恰到好處，咬落可隱隱聽到「嗦」一聲。蝦頭有不少膏，我無懼膽
聽聞「和三昧」嘅前物身叫「千登世」，响日式鐵板燒呢一個範疇佔據著一定嘅位置。揀中午嚟食，價錢係最主要嘅考慮。同一款食物，午市同晚市可以相距一倍。另一方面我同阿K都好想比較吓「和三昧」同早前食過嘅「松菱」，睇一下邊度比較優勝。
我地一共嗌咗一個鮑魚牛肉套餐(二人前)、兩個海鮮餐(一人前)、一客牛舌、一客鵝肝、一客魚湯雜菜煲及一客清酒煮蜆，當然仲有免費嘅大廚即席表演神乎其技嘅燒烤功架。海鮮類有鮑魚(根據大廚講，大約有600g重)、兩隻大蝦、兩隻帶子、兩份銀鱈魚、十二隻蜆：鮑魚連殼上板加熱，鮑魚受熱之後逐漸加快蠕動，之後大廚突然手起刀落將肉身及殼分離，諗落有啲殘忍，不過美食當前，好快就唔記得晒。鮑魚肉質鮮甜爽脆，加上以清酒同牛油煮出嚟嘅汁吊味，桌上嘅醬油已經變得多此一舉；大蝦以類似嘅手法炮製，蝦殼响大廚刀叉嘅揮舞下，好似除衫一樣三爬兩撥已經清除得一乾二淨。蝦肉燒得恰到好處，咬落可隱隱聽到「嗦」一聲。蝦頭有不少膏，我無懼膽固醇嘅風險，將蝦頭啜得乾淨；反而帶子有少少老，我認為稍微偏離咗水準；銀鱈魚表面煎得微微金黃，魚肉一層一層叠著，中間滲出甘香嘅魚油，肉味鮮中帶甜，心想這種境界嘅味道，好難超越；至於蜆方面，大廚用咗純米大吟釀，蜆肉本身已經有點甜味，再加酒精揮發後嘅純米大吟釀，既清新又甜美。
鐵板燒嘅另一主角係鵝肝多士，可惜阿K下咗禁制令，只可食鵝肝而唔准掂塊多士，有點兒美中不足；牛肉用嘅係美國牛，除咗價錢平過和牛之外，最重要就係美國牛肉味比和牛更加豐富，喜歡食牛嘅朋友絕對唔會介意肉質比和牛粗鞋(總好過和牛，雖然好似豆腐般嫩滑，但係肉味十分微弱，好似唔係食緊牛一樣)，佐以炸得金黃色嘅蒜片，係一個天衣無縫嘅組合。
一輪高蛋白質及膽固醇嘅食物之後，以魚湯雜菜去中和，使到體重超標嘅我減少一點罪疚感。除咗上述食物之後，炒飯、麵豉湯、配菜等鐵板燒套餐應有嘅嘢都一應俱全。用膳後侍應會帶領食客到另一邊廂嘅梳化，享用套餐已包嘅甜品或茶。
四人用膳，共銀一千八百多，平均每人四百七十多元。整體水準與松菱十分接近，個人認為以後者稍勝一籌。
张贴