影片
更多
2001-05-25
21 浏览
擒晚一行十二人到呢度食飯，經驗好差！！！！先講環境，呢度有o的似"大排檔"的feel，茶餐廳得o黎又扮得幾似cafe。o係呢頭確冇乜呢類的環境。檯的數目比茶餐廳少，所以感覺舒服少少，不過收費貴過茶餐廳1/3 至1/2。環境唔重要，最重要係所有o野都唔掂！！《記住：餐廳內只坐滿三份一，即係冇乜客！！》首先，由我地落單到收到第一碟菜為止，等o左九個字(真係45分鐘)！！其中一個人食的set dinner 由上第一度菜至到甜品(唔計食，只係計上菜)，足足用o左一小時！！！仲有，上第一碟到上最後一碟可以相差一個鐘！！！即係第一個人一早食完，眼巴巴睇住人地食......其次係佢地的品質：我地叫o左好多款日式拉麵，但係只得一個感受──淡而無味！！個湯底有色，但係無味道！牛扒滑潺潺，食得出係梳打粉醃成，而且仲有味道，真係乜味都冇o個隻！！咖喱豬扒飯──個汁確係日本咖喱，不過塊豬扒係煎的，唔係日式炸的！！最經典的莫過於晚餐o個個朋友仔：白汁焗西蘭花好細碟，好醜樣之外，朋友仔都可以食唔晒！可想而知有幾好？！主菜係意式XX 腸配意粉(名字忘記o左)，條腸個樣真係好似兩條屎咁，啡啡黑黑.....攪到個朋友仔
先講環境，呢度有o的似"大排檔"的feel，茶餐廳得o黎又扮得幾似cafe。o係呢頭確冇乜呢類的環境。檯的數目比茶餐廳少，所以感覺舒服少少，不過收費貴過茶餐廳1/3 至1/2。
環境唔重要，最重要係所有o野都唔掂！！
《記住：餐廳內只坐滿三份一，即係冇乜客！！》
首先，由我地落單到收到第一碟菜為止，等o左九個字(真係45分鐘)！！
其中一個人食的set dinner 由上第一度菜至到甜品(唔計食，只係計上菜)，足足用o左一小時！！！
仲有，上第一碟到上最後一碟可以相差一個鐘！！！即係第一個人一早食完，眼巴巴睇住人地食......
其次係佢地的品質：
我地叫o左好多款日式拉麵，但係只得一個感受──淡而無味！！個湯底有色，但係無味道！牛扒滑潺潺，食得出係梳打粉醃成，而且仲有味道，真係乜味都冇o個隻！！
咖喱豬扒飯──個汁確係日本咖喱，不過塊豬扒係煎的，唔係日式炸的！！
最經典的莫過於晚餐o個個朋友仔：
白汁焗西蘭花好細碟，好醜樣之外，朋友仔都可以食唔晒！可想而知有幾好？！
主菜係意式XX 腸配意粉(名字忘記o左)，條腸個樣真係好似兩條屎咁，啡啡黑黑.....攪到個朋友仔拎開塊面.......等o左15 分鐘，朋友仔問個侍應，先至有意粉......仲只係一細碟白雪雪的意粉(可唔可以洒兩粒蔥粒裝飾下？)
鐵板炒麵──睇樣都可以，不過味道同樣......唉.......
雖然五香肉丁炒公仔麵唔係好正，但已經係最好食的一樣o野......
服務同樣差；
我地坐o係一排長檯，上菜時個侍應總是把菜放在一角就走，碟o野係乜真係要估.....茶餐廳o的伙記都會講係乜，再送到你面前丫！上菜服務真係要再培訓！！
臨走叫埋單，都要等成5 分鐘(但係間o野唔大間)，個侍應(四十幾歲的師奶)仲扭下擰下咁慢慢行過o黎....吹脹！！
見佢服務差、食物差，梗係唔俾貼士啦！嘩！你估都估唔到個師奶有乜反應──冇摺埋個找續牌(即係餐廳常用、黑色、可以摺埋o個隻收錢的找續牌)，仲用兩隻手指拎起個牌的一角，fing o黎fing 去、大搖大擺咁行回櫃檯....好彩冇俾貼士o者！！
大預言；
以咁o既價錢、食物質素、服務態度，好快趣就摺埋！！
P.S. 多謝大家細心閱讀本文！！
张贴