影片
更多
2016-09-04
631 浏览
話說上左個討論區見到呢間舖頭做放題，加$20仲有得燒和牛，同埋又有兩款貴嘅雪糕任食，今日滿心歡喜同女友晏晝一齊去食返個好西先。去到唔使排隊，但無問我地燒唔燒直接安排左無爐嘅位畀我地。跟住我話想燒肉，點知佢話今日無位。唉，唔緊要啦，見到食評啲野都幾靚，又已經一點幾喇，照食啦。佢有好多張紙，但我地打算叫住啲食下睇下質素如何再寫多啲。一開頭黎左件蟹籽軍艦、刺身。都好快到，我唔食生野，所以唔知刺身質素如何，但望落都幾靚仔。跟住惡夢就開始喇。我地坐左幾個字，叫左好多野都未黎，我地都無催，又無再填單，因為怕最尾又黎一大堆。好似過左二十分鐘，啲串燒一兩串咁黎，但好彩都熱嘅，如果係凍嘅，我真係會反佢枱。之後又再填紙啦，又係過左勁耐都唔黎，好多填左都漏晒單。我見熱食未到，咪食個雪糕先，諗住黎個首尾呼應。點知食完個雪糕，都未到。講真，我都開始有啲飽，慢食原來真係可以飽架。我地隔離有枱人又係填極單都唔到，催完又催先來一兩件畀你食。真係燥，食放題仲慘過食set，一個人$185，燒肉由兩個星期前另加$20變到加$38，加幅快過通脹。去到最尾，我開始催單喇，佢先畀返一兩串串燒我食，果刻，我可能覺得呢串係我食過最好
去到唔使排隊，但無問我地燒唔燒直接安排左無爐嘅位畀我地。跟住我話想燒肉，點知佢話今日無位。唉，唔緊要啦，見到食評啲野都幾靚，又已經一點幾喇，照食啦。
佢有好多張紙，但我地打算叫住啲食下睇下質素如何再寫多啲。一開頭黎左件蟹籽軍艦、刺身。都好快到，我唔食生野，所以唔知刺身質素如何，但望落都幾靚仔。跟住惡夢就開始喇。
我地坐左幾個字，叫左好多野都未黎，我地都無催，又無再填單，因為怕最尾又黎一大堆。好似過左二十分鐘，啲串燒一兩串咁黎，但好彩都熱嘅，如果係凍嘅，我真係會反佢枱。
之後又再填紙啦，又係過左勁耐都唔黎，好多填左都漏晒單。我見熱食未到，咪食個雪糕先，諗住黎個首尾呼應。點知食完個雪糕，都未到。講真，我都開始有啲飽，慢食原來真係可以飽架。
我地隔離有枱人又係填極單都唔到，催完又催先來一兩件畀你食。真係燥，食放題仲慘過食set，一個人$185，燒肉由兩個星期前另加$20變到加$38，加幅快過通脹。
去到最尾，我開始催單喇，佢先畀返一兩串串燒我食，果刻，我可能覺得呢串係我食過最好食嘅燒雞軟骨，亦深深明白到枱上一分鐘，爐上十年功嘅大道理。
差唔到三點，有人通知我last order，問啲野到齊未，我反問：不如你幫我睇下有無野未畀我，我填左好多野都漏晒無黎。佢話幫我跟跟，我即刻推左，因為我同佢講：我已經...坐飽左喇。
唔知呢排係咪太多人追棒呢間放題，搞到佢做唔切單，但我無吹大，佢啲刺身，壽司黎得正常，可能唔使煮，但壽司一夾就散。串燒就勁慢，無廿分鐘都無一串，可能宜家興slow cook。炸物就勁厚粉，佢話炸廣島蠔，唔知廣島蠔中左幅射定點，一咬開，喂，廣島•蠔仔黎嘅。
如果大家又想食放題，但又推崇慢食主義，我高度推介呢間畀大家。
公道啲，佢啲擺盤幾靚嘅
张贴
