彌敦左岸

营业中

休息中

今日出尖沙咀一班朋友聚會，去咗一間好有情調，食物選擇豐富，而且美味，價錢又合理，所以想介紹畀大家 。德國咸豬手 : 原隻鹹豬手燒得脆卜卜， 味道又香又淋，仲有薯角相伴。小食拼盤 : 唔好以為小小哋，但係非常豐富。有和牛串、軟殼蟹、德國腸、雞鎚同煎蝦，我最鍾意火腿哈密瓜一齊食 ，啱曬一班朋友樣樣都可以試下 。法國燒春雞 : 慢煮原隻燒春雞味道又香，肉質幼嫩滑，連骨都可以食埋 ; 再配埋一籃脆脆薯條。雖然只係試咗幾款食物，但係佢嘅份量非常豐富，我哋都冇叫意粉同飯，但都已經滿足。 而且唔需要擔心食物太肥膩，佢哋嘅飲品配搭都非常好。我比較喜歡凍飲熱情果特飲，酸酸甜甜好適合，又開胃 ; 唔鍾意凍飲，仲可以飲杯錫蘭紅茶。 如果喜歡飲酒有更多選擇。下次再嚟我好想試下慢煮乳豬。