影片
更多
2019-02-04
79 浏览
2019年1月13日。晴。上环。呢日行完PMQ揾地方医肚～行下行下见到呢间餐厅门面有graffiti，好靓呀～又配合返呢一区文青嘅气息～但系餐厅嘅位置就有啲难揾喇所有装修细节睇落都好有质感入到去坐低睇下餐牌～完全畀佢个价钱吓亲！实在系太太太太太平喇！！！！先唔好讲喺上环区，呢个价钱就算旺角楼上cafe都做唔到！净系个餐牌已经畀到我哋好大惊喜～而另一点要提下嘅系餐厅采用（半）自助形式～要埋去cashier落单畀钱，然后再自己去隔篱张枱仔攞餐具纸巾咁只不过上菜系会由店员负责嘅～相信系为咗节省成本，所以先至需要呢个半自助形式将成本回馈返畀顾客，简直系良心餐厅！芒果蜜桃水果茶，$38入面有多种水果～香甜好味，解渴一流～澳洲柠檬青柠特饮，$38男朋友嗌咗呢个，饮落有夹糖味，又几特别㖞！！小食拼盘，$98呢个小食拼盘唔嘢少！有好多嘢食，仲要样样高质～～先讲讲内容物：七味一字鸡翼、流心芝士条、英式炸鱼手指、墨西哥粟米花、黑松露蕃薯条除咗蕃薯条有大量，其他都有两件～两个女仔嘅话，食完呢个小食拼盘就会饱晒～睇得出餐厅定价虽然平，但绝无将货就价呢回事！全部小食都好好味～～～～尤其钟意芝士条，系用原条芝士攞
呢日行完PMQ揾地方医肚～
行下行下见到呢间餐厅
门面有graffiti，好靓呀～又配合返呢一区文青嘅气息～
但系餐厅嘅位置就有啲难揾喇
所有装修细节睇落都好有质感入到去坐低睇下餐牌～
完全畀佢个价钱吓亲！实在系太太太太太平喇！！！！
先唔好讲喺上环区，呢个价钱就算旺角楼上cafe都做唔到！
净系个餐牌已经畀到我哋好大惊喜～
而另一点要提下嘅系餐厅采用（半）自助形式～
要埋去cashier落单畀钱，然后再自己去隔篱张枱仔攞餐具纸巾咁
只不过上菜系会由店员负责嘅～
相信系为咗节省成本，所以先至需要呢个半自助形式
将成本回馈返畀顾客，简直系良心餐厅！
芒果蜜桃水果茶
$38
9 浏览
0 赞好
0 留言
入面有多种水果～
香甜好味，解渴一流～
澳洲柠檬青柠特饮
$38
7 浏览
0 赞好
0 留言
男朋友嗌咗呢个，饮落有夹糖味，又几特别㖞！！
小食拼盘
$98
6 浏览
0 赞好
0 留言
呢个小食拼盘唔嘢少！有好多嘢食，仲要样样高质～～
先讲讲内容物：七味一字鸡翼、流心芝士条、英式炸鱼手指、墨西哥粟米花、黑松露蕃薯条
除咗蕃薯条有大量，其他都有两件～
两个女仔嘅话，食完呢个小食拼盘就会饱晒～
睇得出餐厅定价虽然平，但绝无将货就价呢回事！
全部小食都好好味～～～～
尤其钟意芝士条，系用原条芝士攞去炸～一咬落去就食到芝士嘅香浓，仲有拉丝效果～～～
粟米花都好正，唔好睇佢个样平平无奇，但个调味非常特别，惹味得来又唔会系死咸～
仲有个蕃薯条！本身带甜味～再加上黑松露沾酱，美味无穷～
慢煮36小时纽西兰牛面肉（10安士）＋牛油炒野菌
$186
15 浏览
0 赞好
0 留言
睇间餐厅个名就知主打慢煮！
店员就向我哋推荐慢煮牛肋骨同埋呢个牛面肉
两个菜式都系经过36个钟慢煮先煮好
我哋见平时少听到有牛面肉嘅菜式，于是就拣呢个喇～
再配多个牛油炒野菌～
一上枱就闻到好香～～～
盘里面有一大半系牛面肉，另一半系薯蓉～
牛面肉用咗红酒汁来煮，经过慢煮之后，牛肉完全吸收晒个汁嘅甜味
肉质亦保持到鲜嫩口感，软绵绵嘅感觉～
系喺其他地方未食过嘅滋味～
薯蓉亦有浓郁嘅牛油味，香滑好味～
炒野菌份量都唔少！食极都仲有！
白酒慢煮焦糖菠萝配雪糕
$42
9 浏览
0 赞好
0 留言
虽然食晒啲嘢已经好饱，但系甜品点都要食嘅！
呢个甜品先唔讲佢嘅味道，净系个卖相，点会系$42呢？！
菠萝系新鲜菠萝，唔系罐头！
点知道？菠萝个芯都仲喺度，唔通窿～
菠萝外面有层焦糖，可以带起个甜味～
而且焦糖脆脆嘅口感，同菠萝软腍质地形成对比，又几得意㖞！
仲有个雪糕～超！级！香！浓！
十分浓郁嘅云呢拿味，口感软糯，要我畀$42斋买个雪糕我都愿意呀！
总括来讲，呢间餐厅都几无敌下！希望佢个价钱可以一路维持到，我一定会再帮衬！！！
张贴
