尋日同朋友喺銅鑼灣行到腳軟
入左去hysan地庫，點知撞到寶！
兩樣嘢食完仲掛住個味道，一定要同大家分享下！
首先個慢煮熟成牛肉，塊牛慢煮到完全入味
入口又嫩又滑，完全唔使用力咬
底下嘅日式炒雜菜好爽脆，中和咗牛肉嘅油膩
最正係淋咗咖喱蛋黃醬同自家製鮮忌廉
兩種醬料混埋一齊，鹹香中帶少少奶香
再拌埋個日本蘭王生雞蛋黃，蛋香超濃
撈勻之後口感更creamy
另一個A4日本和牛丼
底層個飯用蒜香醬油炒過，粒粒分明，咬落有陣蒜香
上面鋪嘅和牛好厚切，同樣嫩到入心牛脂味超濃
最驚喜係個秘製熟成牛辣肉醬，辣度好適中
仲有牛肉碎嘅口感，拌埋飯同生蛋黃一齊食
簡直係味蕾爆炸，一粒飯都唔想剩！
