港猿燒味 (已結業)

聽聞呢間燒味店主打慢煮，有別於傳統嘅明爐燒味，今次一於黎試下佢喇🤤。叉燒燒腩飯 $49望落去已經相當吸引，睇落叉燒肥瘦適中，食落去非常淋身仲有肉汁💦，而且食得出表面除咗有蜜糖🍯，仲有一粒粒嘅糖粒，帶焦糖嘅香味。至於燒腩仔方面都相當出色，唔似一啲燒味店咁只有鹹味，肥豬肉🐷嘅部份唔會太多，只會出現喺肉同肉之間。而重點係個皮非常香脆！雖然食落係室溫，但保持到乾爽既脆皮😋。主角燒味相當有驚喜，但飯同豉油就尚嫌失色。飯粒🍚水份好多，有啲啲爛既口感；豉油就好似睇落咁淡色咁淡口，得好少好少咸味外就無其他香味，所以做左大晒鬼食剩飯😣。整體黎講，都算係幾好食值得大家一試，下次想試下其他燒味，希望啲飯都會有進步喇💪🏻！