我愛慢煮 (孖沙街) (已結業)

不嬲都鐘意慢煮呢一系列嘅餐廳（例如：慢煮工業），知道佢哋開咗新店，特登去試吓，呢間新店係普慶坊舊店附近到處都係支持香港嘅memo紙，黃店味濃濃店舖係自助形式，餐刀同叉都係自己去拎，自己去點餐，所以唔會收加一「炸番薯條」比起薯條軟身，好甜，配上蛋黃醬一流「平鐵牛扒」知道佢哋都係出名食牛，肉質結實，都有鎖到肉汁，脂肪分配平均，上菜嗰陣係八成熟左右「48小時羊後膝」突然想試吓羊肉，無煮到全熟，對於我來講都有少少偏騷，點埋個汁就好翻d 「熱情芒果特飲」好多芒果肉，有氣泡，對我來講都偏甜