好燒味 (已結業)

大人知我鍾情叉燒，所以一發現到有新嘢就即刻介紹我去試，咁啱好燒味又喺我公司附近，我梗係要去試試😋當日兩點先有飯食，又驚想試嘅慢煮叉燒賣晒，所以whatsapp問一問仲有無先😛好快收到店鋪回覆，而且仲可以預留，當然係最好，起碼唔會白行😊鋪頭位置係被排鋪遮擋，大概利源東街中間左右。由於去到嘅時候已經過咗食飯時間，所以好快就有得攞……急不及待飛奔返公司試試，一打開同事們都話好香😛每盒叉燒飯都會隨盒附上一盒燒汁，用嚟撈飯，簡直不得了👍，對於一個OL嚟講，呢個飯嘅份量啱啱好，叉燒又多、又鬆軟一試難忘😍另外，買咗一個秋葵小食，很醒胃😄此鋪喺中環嚟講已經係價錢超值、份量適中、味道相當理想，一定會再幫襯👍😉