好燒味 (已結業)

阿媽打俾我叫我買D燒味返去屋企，今晚食飯時可以加餸
佢話唔想再落街去買，所以就交咗個任務畀我啦
平時多數都係喺屋企附近買燒味返屋企加餸
諗起地鐵站入面好似有間賣燒味嘅外賣店
因為地鐵站有燒味賣較為少有，所以特別有印象
就決定試下呢間，都要上網search資料先搵到個正確地點

好燒味提供2款叉燒，1款係普通叉燒而另外1款係慢煮叉燒
呢度招牌應該係慢煮叉燒
所以一於買呢款，睇下同普通有咩分別
叉燒質感非常軟腍，應該係先低溫慢煮再燒嘅功勞
肉質偏瘦但肉味足夠
下次加餸再買普通叉燒，一試有何分別