The Right Place (舊墟直街) (已結業)

正值五一勞動節前夕，就同兩個朋友踩入大埔食呢間有朋友推介嘅小店啦！我所形容嘅小店係間鋪頭真係唔算大，今晚更加坐無虛席，好彩一早訂咗位先有得食。難得咁遠入嚟，梗係試多幾款野啦！烤乳豬件: 皮脆肉嫩，隻豬好似讀緊幼稚園咁後生，必點推介。海鮮risotto：一向好怕食risotto嘅我都忍唔住食咗二份一，個飯唔算太硬，重點係咸蛋黃汁包住每粒飯，帶子大大粒鮮味重，正呀！水牛芝士pizza：睇相都見到好多芝士，太邪惡，我只食一塊，其實留俾我朋友食，啱晒芝士迷。烤魚：夠滑，魚油多，仲要去埋中間條骨，廚師都幾細心。最後點咗幾杯野飲，普遍食物質素算中上，又有個bar位，三五知己食下飲下吹下水確實係一個唔錯選擇。