NINETYs (些利街) (已結業)

今日難得唔使返工，所以我專程衝出九龍，去到中環搵朋友吃個late lunch。平日中環lunch time四處餐廳都係人山人海咁， 既然我同朋友都唔趕時間， 所以往山上走，揀左些利街呢間澳式cafe。我之前久唔久都會幫趁佢灣仔店，但中環呢間都係第一次嚟。我其實最鍾意佢地嘅Piggy Piggy, 不過今次就讓俾朋友食， 我就改試佢地嘅Brunch Board。Brunch board其實有幾十樣材料任君自選。我就隨意揀左幾款最愛嘅材料， 當中緊唔少得牛油果🥑啦😋， 另外佢地嘅非常厚肉又香嫩嘅黑毛豬义燒都係我至愛。蛋我就揀用辣椒炒， 辣辣地好惹味。最後仲揀左cheese selection, 有好幾款不同種類嘅芝士，配sour dough一流。咖啡我就要左latte, fruity blend, 淡淡嘅果香配brunch唔錯。朋友點嘅Piggy Piggy, 其實是西班牙黑毛豬义燒漢堡， 除左义燒好味之外，啲醬汁都好惹味， 而且因為廚師貼心地用左蘋果片塾住义燒， 所以食落一啲都唔會覺得膩。我地一邊密斟， 一邊享受美食， 果然唔使受時間限制心情特別輕鬆。