我愛慢煮 (裝修中)

佐敦上完堂，約咗老公撐枱腳，新店有好嘢食。前陣子幾個家庭一齊去露營，意猶未盡，今日揀咗一間露營主題餐廳，繼續chill一chill。餐廳全場都是打卡靚位，露營櫈任你坐，晚上亮起小燈泡，露營氣氛濃厚，好適合一大班朋友歡聚，又或者情侶慢慢傾慢慢食。煙三文魚配黑醋醬沙律~黑醋醒胃，煙三文魚配新鮮沙律菜，前菜一流。白汁煮藍青口配酸種多士~ 值得大家一試，忌廉汁夠香濃，藍青口新鮮味美。加拿大保濕豬鞍~大大件豬鞍，烤熟度剛剛好，切開見到肉質鮮嫩，咬落有口感。風乾肉火箭菜手工薄餅~風乾火腿鹹香味夠，火箭菜獨特嘅香味，配上手工傳統精製薄餅，香脆可口。日式綠茶紅豆比利時窩夫配雪糕~好欣賞佢嘅紅豆唔會太甜，仲有比利時窩夫及雪糕，多重口感味覺視覺享受。玫瑰花茶(熱)~暖暖地好清新，玫瑰花茶有鬆弛神經嘅效果；水果茶(凍)~大大杯凍，慢慢chill，慢慢歎。