響 - Hibiki 日本燒肉 (已結業)

一班朋友聚會最中意約去食放題，食物多選擇，自己中意食咩就自己揀，今次我地去左佐敦響食，見佢做緊優惠，我地揀左5:30-8:00，仼食2.5小時，時間好充裕，十分好。兩人同行會送原隻龍蝦，好多膏，凍食嘅大大隻，肉質好鮮甜。之後店員遞上一盤刺身，有海膽，三文魚，油甘魚，帆立貝，八爪魚，甜蝦等。海膽好creamy無腥味，甜蝦鮮甜爽口，油甘魚油脂豐富。食完刺身就上燒肉啦，我最期待，餐廳好細心有個名牌係肉上面，清楚知道食緊邊隻，牛肉好正，超香。炸芝士年糕encore左好多件。最後食埋雪糕真係飽到上心口。