響日本燒肉 (已結業)

好多時都鍾意去食放題，一次可以食到好多唔同嘅嘢，happy！ 今日就去咗銅鑼灣【響日本燒肉】，除咗燒肉，仲有刺身、壽司、海鮮、炸物、鍋物等等。 飲品除咗一般罐裝、紙包飲品，仲有清酒添，燒肉加清酒，一絕也！先嚟一大盤刺身拼盤開開胃，再配埋有金箔點綴嘅黑魚子拖羅蓉，好滿足。再嚟係燒肉拼盤，每樣都有啲，排得靚靚仲標註清晰，好吸睛，啱晒我呢個食肉獸。 食過可以咗返尋味，邊款好味，手機app encore就得。 肉類好高質，無乜預先調味，加少少鹽去燒已經好正。 米澤三元豚西冷同米澤三元豚腩片同樣油脂豐富，肉香又有咬口，燒到表面微焦微脆超好食；澳洲和牛肉眼、澳洲和牛胸腹、澳洲和牛西冷當然正，牛油香味好突出；骨付雞肉腸出面比較少見，啖啖肉，外皮又脆口。海鮮我鍾意海蝦同帆立貝，大件又高質，食咗好多轉。 大蝦天婦羅同榴槤炸彈即叫即炸，熱辣辣！每次燒肉都會必點燒菠蘿片，貪佢香甜又開胃。 太多嘢食，好在有兩個半鐘，時間真係好充足，唔駛趕住燒趕住食，大推！ 最後甜品時間可以揀吓唔同雪糕或甜筒，nice~