等等HEA

营业中

休息中

黎到呢間餐廳，大家用『等等』的心態，慢活甘去品嘗呢間第第Hea 既每一道菜。餐廳有文青風格的裝修，再配合得意的卡通招牌，新潮可愛，係條福佬村道中好突出。呢度服務員好好客，入到黎雖然忙緊，但一知都有客入黎，就熱情打招呼。從佢地口中知道呢度既廚師係台灣做廚長達20年，經驗豐富，絕對可以帶比我地地道台灣風味美食。我地兩個人又想試爐端燒，又想食其他野，甘我地叫左美國黑毛豬燒，台灣啤酒蟹同魯肉飯。如果飲開啤酒既，不妨試下呢度新菜式台灣啤酒蟹，蟹新鮮，蟹肉彈牙，第一次食到甘既口味。魯肉飯係我最鐘意既台灣野食，飯多汁，魯肉香口，加埋台灣腸，成碗飯變得更豐富。黑毛豬都好新鮮，即燒即食，未相機食先已經急不及待就放左落去燒，其實唔加醬汁，加少少海鹽已經好好味。