影片
更多
2021-11-08
128 浏览
一早book左，去到先知2280個餐要預訂，咁叫個1880啦！店員話呢個餐性價比高😄我一向記性差，盡量默返啲食物名出嚟。***先嚟刺身蜜柑or真鯛（唔記得😅）石垣貝平正馬糞海膽+炸帆立貝仙鳳趾（好L大隻）深海池魚 （好大pat 木魚醬）花咲蟹忘記😵💫鱈魚白子（比平時幼身）燒秋刀好似係赤睦😵💫魚子醬+鮟康魚肝 （兩樣都重味）燒吞拿魚面肉***以下係壽司北寄貝白蝦青魚鰹魚係加嘅（好多名荷同醬汁）燒toro三文魚子軍艦仲有個海膽紫菜（無影相）評：開頭刺身正正常常嘅，除咗個馬糞海膽有明明礬味同埋苦之外，係啲調味料略重手，我當係師父特色。魚子醬+鮟康魚肝呢，我感覺魚肝係交貨嚟，死死實實咁，唔難食嘅，因為重口味，俾塊餅乾搽下好啲。到壽司開始就明顯出事喇，可能係我要求小飯啦，舊飯散散地，甩甩漏漏咁嘅。仲有一樣就係啲紫菜，當入口後，口水加埋紫菜兩三層疊埋就實的的咬唔開，我每一口都會吐返實的的嗰舊出嚟。最後，點解我無影最後件海膽呢，就係師父畢海膽落舊飯同紫菜時，係亂咁畢，加上啲海膽係溶嘅，佢交俾我嘅時候已經漏落我隻手，我一係就即刻啪，一係就掉L左落地，我個人實在太善良，所以義無反顧嘅啪左。呀！我醒起
我一向記性差，盡量默返啲食物名出嚟。
***先嚟刺身
蜜柑or真鯛（唔記得😅）
石垣貝
平正
馬糞海膽+炸帆立貝
仙鳳趾（好L大隻）
深海池魚 （好大pat 木魚醬）
花咲蟹
忘記😵💫
鱈魚白子（比平時幼身）
燒秋刀
好似係赤睦😵💫
魚子醬+鮟康魚肝 （兩樣都重味）
燒吞拿魚面肉
***以下係壽司
北寄貝
白蝦
青魚
鰹魚係加嘅（好多名荷同醬汁）
燒toro
三文魚子軍艦
仲有個海膽紫菜（無影相）
評：
開頭刺身正正常常嘅，除咗個馬糞海膽有明明礬味同埋苦之外，係啲調味料略重手，我當係師父特色。
魚子醬+鮟康魚肝呢，我感覺魚肝係交貨嚟，死死實實咁，唔難食嘅，因為重口味，俾塊餅乾搽下好啲。
到壽司開始就明顯出事喇，可能係我要求小飯啦，舊飯散散地，甩甩漏漏咁嘅。仲有一樣就係啲紫菜，當入口後，口水加埋紫菜兩三層疊埋就實的的咬唔開，我每一口都會吐返實的的嗰舊出嚟。
最後，點解我無影最後件海膽呢，就係師父畢海膽落舊飯同紫菜時，係亂咁畢，加上啲海膽係溶嘅，佢交俾我嘅時候已經漏落我隻手，我一係就即刻啪，一係就掉L左落地，我個人實在太善良，所以義無反顧嘅啪左。
呀！我醒起，唔記得名嗰舊魚係有骨嘅🙄
仲有，開始出壽司時，師父去洗手，手上拎住條微微發黃嘅毛巾，係咁易沖沖水，輕力擰一擰就掉咗入去壽司飯個木盆裡面😢
整體：斷估（我唔係真食家）所以只可以靠估，佢啲貨唔係靚貨，吞拿魚可能唔係成個腩叫返嚟，係order一舊舊切好嘅，所以無赤身食。師父好求其，衞生意識有好大改善空間，亂畢海膽嗰下係災難級😣
論舖頭裝修、服務、人腳，呢間店應該走平民路線，收1K鬆啲嘅價位，減少兩三個course. 但係師父處理食物嘅態度必須要改善，否則。。。
张贴