影片
更多
2021-02-24
104 浏览
朋友話想黎試，揀日不如撞日，今日放下晝就黎食佢啦。係門口望下餐牌，都幾多野食，燒味飯，湯粉麵，點心，珍奶，雪糕等都有，朋友都決定左食啦，坐低即點單。朋友點的芝士奶蓋鐵觀音，本來想要馬騮搣烏龍，但店家話未ready，咁就轉鐵觀音啦。芝士奶蓋幾厚身又滑，茶底清香，係好飲喎。自己點左杯黑芝麻奶茶，見佢係擺門口水牌重點推介黎，試下有幾掂先。奶茶係又香又滑，仲有啖啖芝麻香，已預先加糖，只係微甜幾對胃，係好飲喎無失望。跟餐有沙律送，燒味飯送沙律菜好似怪怪地咁，哈哈，有個藉口食多啲菜係啱嘅，沙律菜爽口新鮮，醬汁甜甜酸酸好開胃。朋友點左原隻柑橘燒鵝脾飯，係鵝脾呀～店家可以揀切或唔切，唔切就有風味啲，但想放便食都係揀左切。肉鮮又嫩，不肥膩，皮脆，果然係招牌野，正呀好好味，記得點埋個柑橘醬呀～自己點左招牌溫泉蛋四寶飯，四寶有燒鵝，燒肉，叉燒同溫泉蛋，賣相幾靚吖。叉燒同燒肉都有水準，燒鵝唔係脾嘅關係肉質較淋，都好好味㗎，不過有朋友個份對比就食到有分別了。附上的蜜糖芥末醬&柑橘醬，好正，一定要點！仲點左朋友至愛嘅爆脆金莎魚皮，佢去到邊都會點鹹蛋黃魚皮㗎，哈哈，鹹鮮又脆，雖然同燒味飯無乜關係，但當小食食下又唔錯
係門口望下餐牌，都幾多野食，燒味飯，湯粉麵，點心，珍奶，雪糕等都有，朋友都決定左食啦，坐低即點單。
朋友點的芝士奶蓋鐵觀音，本來想要馬騮搣烏龍，但店家話未ready，咁就轉鐵觀音啦。芝士奶蓋幾厚身又滑，茶底清香，係好飲喎。
自己點左杯黑芝麻奶茶，見佢係擺門口水牌重點推介黎，試下有幾掂先。奶茶係又香又滑，仲有啖啖芝麻香，已預先加糖，只係微甜幾對胃，係好飲喎無失望。
跟餐有沙律送，燒味飯送沙律菜好似怪怪地咁，哈哈，有個藉口食多啲菜係啱嘅，沙律菜爽口新鮮，醬汁甜甜酸酸好開胃。
朋友點左原隻柑橘燒鵝脾飯，係鵝脾呀～店家可以揀切或唔切，唔切就有風味啲，但想放便食都係揀左切。
肉鮮又嫩，不肥膩，皮脆，果然係招牌野，正呀好好味，記得點埋個柑橘醬呀～
自己點左招牌溫泉蛋四寶飯，四寶有燒鵝，燒肉，叉燒同溫泉蛋，賣相幾靚吖。
叉燒同燒肉都有水準，燒鵝唔係脾嘅關係肉質較淋，都好好味㗎，不過有朋友個份對比就食到有分別了。
附上的蜜糖芥末醬&柑橘醬，好正，一定要點！
仲點左朋友至愛嘅爆脆金莎魚皮，佢去到邊都會點鹹蛋黃魚皮㗎，哈哈，鹹鮮又脆，雖然同燒味飯無乜關係，但當小食食下又唔錯。
最後係乾蒸牛肉燒賣，啖啖肉有芫茜香，正。
由落單到上菜都係十分鐘左右，超快上齊晒啲野呀，勁有效率。
张贴
