影片
更多
2021-08-26
80 浏览
難得放假，即刻約朋友食好西！之前聽過人推介呢間新開嘅日本餐廳，就喺大埔最旺既廣福道，店名係「良鮨」。被安排咗喺吧枱坐，可以睇住師傅處理我地嘅刺身。最先上枱係良刺身盛＋日本仙鳳趾生蠔。師傅好細心逐樣介紹，良刺身盛有大拖羅，赤身，金目鯛，池魚，三文魚等等。大拖羅好好食，好鍾意個入口即溶嘅口感同肥美嘅油脂；赤身同三文魚都有驚喜，赤身油脂少啲，更加食到魚嘅鮮味；三文魚好鮮甜，食完果浸鮮甜既魚味停喺口腔好耐。我平時食開平價三文魚，真係同呢度嘅差好遠另外想讚吓呢度嘅wasabi，幾新鮮，食落仲有啲顆粒。隻日本仙鳳趾生蠔仲長過隻碟，好鮮、好ｃｒｅａｍｙ、好飽滿！ 配埋師傅準備嘅檸檬啫喱，完全唔洗再點任何調味料都好～正～～跟住上枱嘅係海膽爆丼飯。海膽份量好多，可以好豪咁大啖啪，爽！每一啖都口感奶滑，鮮味同甜味好足，完全不帶苦味，正到不得之了吞拿魚蓉都係比優質貨， 唔會多筋，仲好鮮甜，有魚味。encore咗件大拖羅壽司，睇見啲紋路同雪花都知好食。松葉蟹甲羅燒，店員細心介紹側邊有隻鵪鶉蛋比我地撈埋食。我覺得無其他店食到嘅咁鹹，所以就咁食都ｏｋ，當然如果食完丼有飯剩，都可以撈飯食，會好夾。成餐既服務都好好，
被安排咗喺吧枱坐，可以睇住師傅處理我地嘅刺身。
最先上枱係良刺身盛＋日本仙鳳趾生蠔。師傅好細心逐樣介紹，良刺身盛有大拖羅，赤身，金目鯛，池魚，三文魚等等。
大拖羅好好食，好鍾意個入口即溶嘅口感同肥美嘅油脂；赤身同三文魚都有驚喜，赤身油脂少啲，更加食到魚嘅鮮味；
三文魚好鮮甜，食完果浸鮮甜既魚味停喺口腔好耐。我平時食開平價三文魚，真係同呢度嘅差好遠
另外想讚吓呢度嘅wasabi，幾新鮮，食落仲有啲顆粒。
隻日本仙鳳趾生蠔仲長過隻碟，好鮮、好ｃｒｅａｍｙ、好飽滿！ 配埋師傅準備嘅檸檬啫喱，完全唔洗再點任何調味料都好～正～～
跟住上枱嘅係海膽爆丼飯。海膽份量好多，可以好豪咁大啖啪，爽！每一啖都口感奶滑，鮮味同甜味好足，完全不帶苦味，正到不得之了
吞拿魚蓉都係比優質貨， 唔會多筋，仲好鮮甜，有魚味。
encore咗件大拖羅壽司，睇見啲紋路同雪花都知好食。
松葉蟹甲羅燒，店員細心介紹側邊有隻鵪鶉蛋比我地撈埋食。我覺得無其他店食到嘅咁鹹，所以就咁食都ｏｋ，當然如果食完丼有飯剩，都可以撈飯食，會好夾。
成餐既服務都好好，食得好ｈａｐｐｙ。臨走見到午巿套餐既價錢都幾親民，會再嚟幫襯～
张贴
