近排知道德福果間搬o左去megabox。天氣咁熱，唔去沙灘就最好行商場，於是就去行o下順便就去試下間cafe。
當日係星期六所以都比較多人，一去到門口就可以見到間cafe 差唔多爆晒，唯有邊等位邊睇o下有咩食。瑞士肉丸10粒$19，薯條$8，提子包$2，汽水$7任飲。唔知係咪眼大睇過龍，搵唔到餐牌有熱狗。
瑞士肉丸最好味，感覺足料，不過就覺得d味濃過d汁，令到d汁好似冇乜味。肉丸仲配有烚薯仔+果醬。我覺得薯仔又幾新鮮喎！成碟野份量都唔少。
薯條賣相就得，粗身感覺比老麥果d口感要好，但係最失望係唔脆同埋冇鹹味。
總括o黎講，如果行開宜家就一定要去，咁o既價錢都算係唔錯，不過就係因為薯條扣晒分。同埋就係行完晒成個宜家先係三樓o既出口見到有熱狗同埋爆谷賣。點解唔可以係cafe 試晒全部野呢?
