千歲擔擔麪

营业中

休息中

住喺附近都唔知YM原來開咗咁多餐廳，行行吓嚟到平台花園，見到有間食擔擔面嘅餐廳，原來係有名嘅詠藜園擔擔麵。挑起咗之前喺蔡瀾美食坊食過嘅馳名擔擔面嘅美好畫面。決定入去回味一下！首先必點嘅就係「詠藜園擔擔麵」，一如以往麻香味好豐富，一啖又一啖掛滿湯嘅麵，麻醬味依舊濃郁。麵做得細嫩幼滑，唔知係咪自己搓嘅呢？！兩個人叫一碗有啲唔夠喉，另外點其他嘢。叫咗兩款都比較難整嘅家常小菜，分別係賽螃蟹同埋糖醋魚塊。賽螃蟹一定要沾醋食，係史上最夾嘅組合，白飯都可以食多幾碗。糖醋魚塊，甜甜酸酸非常之開胃，魚柳炸粉唔會太厚，剛剛好可以掛起醬汁。