甜圓坊

营业中

休息中

自昨天社交平台的宣傳一出，今日一入門口就見到坐滿晒人，但服務員只得兩三個，明顯不足。服務員見到我同朋友第一句唔係幫我地搵位，而係一臉不耐煩咁問「你地睇openrice黎架?」，似係埋怨客人太多，令我同朋友感到不受歡迎。坐低左之後我同朋友落左一個凍嫩仙芋奶凍，等左好耐都未有，但係我地都明白新開張可能會慢啲所以冇催。點知等左足足大半小時後，服務員先同我地講冇晒仙草，「廚房爆唔到啲材料出黎冇辦法」，叫我地揀另一樣。唔通落單嗰陣佢地唔知材料就黎用完？難道唔可以預先話俾我地知，等我地考慮下揀其他食物？更令人氣憤係，嗰位服務員一句道歉都冇，好似唔憂做咁，態度極差，完全不知所謂。最後我同朋友白白等左半小時後咩都冇食到就一肚氣走左，而我好肯定我唔會再返黎亦唔推介任何人黎。