大盛日本料理 (已結業)

呢間野的特色就係三文魚壽司的三文魚好長。我地坐bar枱，係正師傳對面。我地三人一共叫左三文魚壽司X4、北極貝壽司X4、咖哩飯、蟹子沙律、軟殼蟹($25)、海膽金龍卷($55，8件)，同埋吞拿魚壽司。不過佢的吞拿魚就好韌，咬極都唔斷。我地見住師傳切紅色的舊吞拿魚都切得好辛苦。我個friend就，同個waitor講想比意見。起初佢地極不禮貌，仲話無問題話D吞拿魚好新鮮，唔會有問題。跟住我去洗手間，聽到D waitress猛咁講粗口。但我無留意佢地講乜。跟住我個friend去洗手間時有人，於是就係門口等，係廚房門口掛左張seven hello kitty布，上面扣左好多個hello kitty pins。我個friend見到有一個佢都有，就看看是甚麼國家。當佢入到洗手間，竟然聽到D waitoress係度大大聲話我個friend想偷D pins。喂，要偷都唔會明目張膽啦。咁樣話D客，真過份。雖然結果佢最後話我地投訴D吞拿魚，就唔計我地呢樣，埋單只係$16x(扣左一樣)，食日本野真係好抵，但我諗我唔會再去。