泰妃雞 (已結業)

好耐無寫過食評，但係今次真係忍唔住，因為真係好耐無試過咁差嘅服務。首先，坐得好逼，呢樣我接受。不過想寫嘢食時，其中一位侍應望倒我舉手，都無理我。跟住另一為侍應落單，問多一句都唔得，超差態度！咁都算啦，食到一半，我叫侍應俾多碟醬我，叫極都無人理。之後頭先嗰個唔理我嘅女侍應咁橋去隔離枱，我先有機會叫佢俾醬我。佢聽完就走咗，轉頭去咗做第二D嘢！我同我朋友都呆咗！如果你聽唔倒，你可以叫我講多次（不過佢一定聽倒）！如果你唔可以俾多碟醬，你都可以同我講，而唔係當無聽過我講就走咗去！！我有懷疑過我有無怪錯佢，會唔會佢唔識講廣東話？不過唔係，因為之後我聽倒佢講廣東話！到我食完（碟上面仲有飯），我一放低筷子，佢就即係將檯面上面唔要嘅嘢丟哂落我碟飯度！問都無問我食完未！如果我未食完，只係放低筷子飲嘢，咁我咪無啦啦俾你收咗我嘅午餐？仲有，我食完都仲有成大杯嘢未飲，另一位侍應就將我檯面未用完嘅紙巾執走，然後放低新嘅筷子，超趕客！自問我今次真係食得好快，坐低都係十五分鐘，我明白午餐時間多人，但係我係咪連杯飲品都唔可以飲埋先呢？講返食物，我哋叫咗泰妃雞飯，我同我朋友都係覺得好普通，唔係難食又唔係好食。雞有D凍得滯