L16 (已結業)

間餐廳睇落環境唔差，無諗過會請啲質素咁差既員工，啲員工繼續咁服務客人，間餐廳肯定做唔住，唔明點解間餐廳仲可以存在。我未試過因為服務員既態度搞到我咁嬲，原本諗住打電話去訂座，個服務員好似唔想理你咁，似係想趕客，服務員講野勁快又勁lur，完全聽唔到佢講咩，叫佢重複一次，就好似得罪佢咁，用勁惡劣既語氣回應我，雖然好想試間餐廳啲食物，但服務員咁既態度令我卻步。其實好想知餐廳老闆有無睇過open rice啲劣評，我見好多人都遇到我咁既情況，但餐廳似乎咁耐以黎都無改善到，希望餐廳可以改善下個服務質素。