聰嫂星級甜品 (已結業)

食完晚飯諗住一行五人去食甜品 點知好似食快餐咁 ok知你好多人喺出面排隊但你唔洗下下好似趕我地走咁囉 啫係其實我地個個都有份排隊入黎嘅 差唔多食完就係咁想收哂我地啲野 搞到我地都唔好意思食慢少少 之後重要過黎收野嗰陣大唔小心一下大大力踩落我朋友隻腳度但又西哂面唔會講唔好意思 即刻就走左去 去到比錢嗰陣 找番錢比我地完全好似我地奉祉去食咁唔會識講多謝 At least 唔好西口西面啦唔該 黎食個甜品得罪你？至於甜品方面 其實真係一般般 試左個透明紅豆綠茶丸子 成舊野好似食泥膠咁 個綠茶味又奇怪 係得個樣好似幾靚咁 其他嗰啲咩榴蓮冰呀龍眼冰味道正常囉 唔會話真係好好好好食 呢間應該係以後就算冇得比我揀都唔會再去嘅甜品鋪