Combo Capo (裝修中)

星期五晚上係尖咀搵食，想搵間中價、坐得舒服、唔使等位嘅餐廳，於是上左中港城平台碰下運氣。見到呢間店細細，都幾多外國人食。見到門口餐牌價錢ok,啲waitress又不斷招呼入內，所以就諗住試下。我地2個人入左去，全店啲waiter/waitress都係講英文的。櫈都未坐暖就問我地飲咩，話睇下先，轉頭又問，sell完酒就sell有汽水，我話想要暖水佢又sell樽裝水，我地話tap water就得，佢竟然收左我地個水杯。隔一陣又問要唔要酒，話唔要就連酒杯都收埋。後來換左另一waitress落單，我地叫左一個pizza一個pasta,呢個又問飲咩，我又講一次要暖水，佢先死死地氣攞番2個水杯出黎，但fill左凍水。食物味道正常嘅(後來叫埋甜品)，係啲service都係勁差!!最正係我地埋單後，佢叫我地還番張枱(“can you give the table back?”)!!嘩，咩事，我地坐左唔耐，食完都埋單啦，仲想點呀?埋得單就準備走架啦，唔使趕客呀嘛？!重點係佢冇其他人等位。呢間野真係唔掂，食物唔係話好出色，不過就算好食到識飛，啲服務已經夠趕客，大家想試要諗清楚!