手撕雞唔記得影埋，係一個細碟仔（豉油碟），有多過一半既青瓜絲，其餘先係雞絲，如果係手撕青瓜拌雞絲會覺得抵好多。🤔
豬扒麵如圖，小弟食左一塊，即共5塊，仲有條生菜bb。麵係一大碗，好多麵，好抵，湯就比較矜貴，所以好少。
刀削麵，麵當然係精粹。刀削麵你會諗到彈牙，有𡁻口。呢度既麵，唔知邊度鄉下，又可能呢區多老人家？d麵好淋，有d 粻口，口感特別（唔係我鍾意，可能有人鍾意）。加埋清淡既湯底，老人家想食可以一試。
份量？咁大碗發漲左既麵，一定飽，放心。
樓面，收錢，執野，落單，送餐都係由疑似老闆一人負責，老闆要做咁多野，唔黑面就有鬼。語氣差，講野掘，有d呼喝，唔代表佢心地唔好架（鬼知🙄）。
我唔鍾意，唔代表佢差（我諗我係正常口味既正常人），大家快d黎試吓啦！
