影片
更多
2012-01-22
食物: 一般服務態度: 差. 1. 我叫左個鯖魚定食, 嚟左杯餐茶先(熱菜蜜), 點知到我飲完都未見有野食, 都覺得耐架嘞, 不過見佢人多就諗住等多陣至出聲, 費事畀人「加料」啦, 卒之又呆等左一陣, 黎左飯同魚. 我食左一排都唔見餐牌上寫住嘅前菜同味噌汁, 於是問個類似部長嘅物體:「呢個餐有冇包前菜同味噌汁架」「有, 乜冇畀你咩」我心諗莫非畀左, 我家下呃你再畀過 冇幾耐黎番, 半句「唔好意思」都冇, 其實我心入面已經決定冇下次, 可想而知職員態度幾影響生意。2. 食到咁上下叫埋單, 樓下特登貼張紙話1200-1430午飯時段9折, 但張單$40, 根本冇折過. 我問件部長, 「咪折左囉」原來間野取巧, 係加一再9折, 所以同餐牌價一樣.3. 又係樓下張紙明明話9折再加甜品, 咁各位醒目仔女梗知道佢冇畀我啦, 我咪問佢囉, 「陣間畀你」唉, 個市差到要每個客畀少份前菜, 味噌汁同甜品至為到皮咩 笑咗囉. 我唔知甜品係乜, 諗住若果係「筆」出黎嘅一定唔敢食, 好彩係獨立包裝雪糕糯米滋, 咁我食完到依家未死得。 價錢: 最平個午餐$40, 講真唔值, 如果唔係見9折一定唔去.
服務態度: 差.
1. 我叫左個鯖魚定食, 嚟左杯餐茶先(熱菜蜜), 點知到我飲完都未見有野食, 都覺得耐架嘞, 不過見佢人多就諗住等多陣至出聲, 費事畀人「加料」啦, 卒之又呆等左一陣, 黎左飯同魚. 我食左一排都唔見餐牌上寫住嘅前菜同味噌汁, 於是問個類似部長嘅物體:「呢個餐有冇包前菜同味噌汁架」「有, 乜冇畀你咩」我心諗莫非畀左, 我家下呃你再畀過 冇幾耐黎番, 半句「唔好意思」都冇, 其實我心入面已經決定冇下次, 可想而知職員態度幾影響生意。
2. 食到咁上下叫埋單, 樓下特登貼張紙話1200-1430午飯時段9折, 但張單$40, 根本冇折過. 我問件部長, 「咪折左囉」原來間野取巧, 係加一再9折, 所以同餐牌價一樣.
3. 又係樓下張紙明明話9折再加甜品, 咁各位醒目仔女梗知道佢冇畀我啦, 我咪問佢囉, 「陣間畀你」唉, 個市差到要每個客畀少份前菜, 味噌汁同甜品至為到皮咩 笑咗囉. 我唔知甜品係乜, 諗住若果係「筆」出黎嘅一定唔敢食, 好彩係獨立包裝雪糕糯米滋, 咁我食完到依家未死得。
價錢: 最平個午餐$40, 講真唔值, 如果唔係見9折一定唔去.
张贴