明利茶餐廳 (已結業)

約了人在常樂街, 晨早流流, 選擇甚少, 好似係這裡唯一的茶餐廳, 服務水準認真麻麻, 員工木無表情, 未至於仇視態度, 但相距不遠矣.循例, 港式早餐一套, 沙嗲牛肉麵, 火腿煎蛋, 餐包和奶茶.沙嗲牛肉麵, 上檯時賣相不差, 可惜入口有些少酸味, 唔太肯定是否個人主觀感覺, 麵質不淋, 彈牙, 牛肉的醃粉程度不高, 可惜沙嗲味欠奉, 下星期又要再來, 會試多一次作準煎蛋, 一看便知差勁, 接近全熟, 雖有微微脆邊, 但煎得過火, 質感太實, 火腿無煎過, 一般茶餐廳入貨的貨色, 無評價. 餐包最差, 與空氣接觸太耐, 入口又硬又實.細杯奶茶, 中規中矩, 奶味茶味適中, 幾好