甜入心 (好運中心) (已結業)

冇咩野做，就去左好耐冇幫襯嘅甜入心，之前一直去開深水埗嗰間嘅，一直都幾欣賞佢啲創意，同埋都覺得味道幾好嘅。所以今晚就黎哩間沙田分店。睇左一輪終於簡到心頭好，簡返我最中意嘅椰王子系列，我老公就簡左香蕉船，叫人落單，個員工都未ready,仲係遠處執緊野，咁咪諗住等佢ready 先講啦，一行埋黎，我地叫左一樣野，我都未叫第二樣，就好似好趕咁，死問你仲有冇？仲有冇？好，我忍你。我叫埋第二樣，跟住又問仲有冇？我忍唔住同我老公講左句，佢趕住收工呀，趕住落單呀，起勢咁問仲有冇。我心諗我二個人黎食甜品，你想我叫幾多樣野呀即時搞到我心情勁差，唔知係咪其他員工知我唔滿意佢，拎甜品俾我時，就勁有禮貌囉。Anyway, 哩間甜入心我係唔會再去，我食甜品係想開心，唔係想俾人趕住要我落order , 同令我心情差囉。心情咁差，食完個甜品，都唔覺得好味！