會所1號 萬濤 (已結業)

係團購買左個大閘蟹餐及訂位 (訂7:30pm); 但該日工作忙，7:45pm先走到，於是電話同佢地講要遲半個鐘頭先到，但接電話o個個姐仔竟然質問我點解要遲咁耐(語氣差)，最初我以為聽錯，咁我再講唔好意思，講多次要遲半個鐘頭先到，點知佢再質問我點解要遲咁耐 (語氣差)，我立即呆左；我問佢係唔係冇位，佢話佢地只留檯15分鐘，之後可能要等位，咁我答佢我等啦。收左線之後，條氣越諗越唔順：係唔係要我去佢解釋遲到理由，要佢地覺得可接受才有位俾我? 因為我遲左，佢唔留檯俾我，我覺得係應該，我都預左黎到再等位；佢只要講話佢地只會留檯15分鐘，我覺得冇所謂；但係唔係要咁質問佢既client呢 (語氣差)？最後打返電話去cancel個booking，去左美心快餐食個鐵板餐好過；我寧願浪費左個groupon都唔想去，唔知道去到仲會有D乜service，更好食既野都由背脊骨落。最後一句：永不去。