影片
更多
2022-09-27
208 浏览
估唔到啱啱開始用openrice，第一次寫食評就係差評😅之前都有幫襯過幾次，個牛肉麵真係出色，隔左成半年再黎食，唔知係錯覺定係太耐冇食過，個牛肉麵好食左好多，啲牛肉好淋，一級棒👍之前食係有少少韌，不過唔影響🤪我朋友嗌左個大雞排便當，塊大雞排依然都係大過塊面😋不過趕時間就冇影到相個問題黎啦，由我第一次食到宜家過左成半年再返黎食多次，個女職員態度依然係好差😅仲記得第一次黎食嘅時候係十月，要自己圈menu嘅，嗰陣時我唔知道所以直接舉手落單，之後佢行過黎語氣勁差咁講：「其實俾咗支筆你自己圈低」跟住黑曬面咁走左。問佢嘢仲要勁唔耐煩，好似俾人鬧緊咁。ok fine咁我地圈完之後咪舉手囉，舉左勁耐都冇人理，個女職員企係收銀嗰個位dup低個頭唔知喺度做緊啲乜，不過我諗應該都係玩緊手機😅見到另外個女職員包緊外賣又要執檯，跑黎跑去得佢自己一個做嘢咁，我就諗住等一陣先再落單。嗰時我同朋友都已經嬲嬲地準備想走。等左一陣見到佢啲外賣好似包到七七八八咁，咁我咪再舉手囉，等左一陣係包外賣個女職員黎幫我落單，個態度同另外嗰個根本就係天壤之別😅我仲記得佢話：「sorry呀，頭先太忙冇注意到你地」本來諗住態度咁差都唔會再
之前都有幫襯過幾次，個牛肉麵真係出色，隔左成半年再黎食，唔知係錯覺定係太耐冇食過，個牛肉麵好食左好多，啲牛肉好淋，一級棒👍之前食係有少少韌，不過唔影響🤪我朋友嗌左個大雞排便當，塊大雞排依然都係大過塊面😋不過趕時間就冇影到相
個問題黎啦，由我第一次食到宜家過左成半年再返黎食多次，個女職員態度依然係好差😅仲記得第一次黎食嘅時候係十月，要自己圈menu嘅，嗰陣時我唔知道所以直接舉手落單，之後佢行過黎語氣勁差咁講：「其實俾咗支筆你自己圈低」跟住黑曬面咁走左。問佢嘢仲要勁唔耐煩，好似俾人鬧緊咁。ok fine咁我地圈完之後咪舉手囉，舉左勁耐都冇人理，個女職員企係收銀嗰個位dup低個頭唔知喺度做緊啲乜，不過我諗應該都係玩緊手機😅見到另外個女職員包緊外賣又要執檯，跑黎跑去得佢自己一個做嘢咁，我就諗住等一陣先再落單。嗰時我同朋友都已經嬲嬲地準備想走。等左一陣見到佢啲外賣好似包到七七八八咁，咁我咪再舉手囉，等左一陣係包外賣個女職員黎幫我落單，個態度同另外嗰個根本就係天壤之別😅我仲記得佢話：「sorry呀，頭先太忙冇注意到你地」本來諗住態度咁差都唔會再黎食，不過個女職員態度好誠懇，同埋啲野食又幾好味，加上之前去其他餐廳啲員工態度唔好都冇人道歉，所以我先記得咁清楚，我地都覺得可以比多次機會。再之後都有黎食幾次，嗰幾次都係受住氣咁食，仲見到佢會對其他客呼呼喝喝。不過有個男職員態度好好👍超nice，呢啲員工真係值得我返轉頭幫襯🤘
因為搬左屋嘅原因，所以少左黎荃灣，前幾日同朋友黎荃灣行街，咁啱又黎到路德圍呢邊覓食，咪抱住嘗試嘅心態再食多次，希望態度會有所改變啦～
宜家變咗手機落單，方便左好多。個女職員俾返張單我哋嗰陣時係掉過黎，跟住推啲枱枱凳凳勁大聲。心諗欠左你咩而家，使唔使咁呀😅仲有個男職員上菜嗰陣時勁大力擺落張枱度，不過我諗應該係唔小心。食到七七八八，我就舉手想要張紙巾，又係舉左勁耐冇人理我，個個都喺度玩緊手機，最後我去左隔離7仔買紙巾。
睇返其他人嘅食評我諗大家都係講緊同一個女職員㗎啦😅係邊個就唔講啦😌呢間鋪頭真係令我印象深刻😉其實尊重真係咁難咩？禮貌啲啲都唔得咩？可唔可以將心比己。換做你係客人你都會炆啦😃我諗我唔會再黎幫襯，或者等個女職員唔喺度先再黎幫襯啦🤷🏻♀️不過值得一提嘅係，啲野食真心不錯👍不過要受住氣咁食嘢真係不足以令我回頭，真係俾錢買難受🙂
张贴