小聚嚐鮮

营业中

休息中

见呢间新开，于是叫个外卖试下。听职员介绍叫咗初恋咕噜肉。午餐跟个白饭，咕噜肉酸酸甜甜，没有肥肉不多，保有肉汁。味道正常，𩠌菜量不算多，但能够吃饱。另外午餐加钱叫咗杯茶走，问题就开始了。杯奶茶见到已心知不妙，好似咖啡咁色，应该加唔够奶。职员阿叔见我怀疑，大声极力同我讲系咁样一定够甜。返到公司去搅匀杯奶茶，饮咗都只系有茶的苦涩。我好声好气打电话去问解决方法，个阿叔反转头话我嘅问题，佢冇问题，茶走系咁，叫我好心唔好投诉，仲想cut我线，最后发晦气话一系攞返嚟换之后cut我线，语气好激动。其实因为真系好难饮，又加钱买，我决定攞返去。一入到个阿叔好劳气咁抢过杯奶茶，话俾杯普通奶茶我，我怕佢加料，叫佢俾多啲炼奶俾我就算。其实客人反应食物问题又话返个客转头，咁样真系倒自己米，只能讲呢间冇下次。