囍公館 (已結業)

諗住打電話過去book枱冇人聽，唯有試下walk in好彩有位。落單過程還好，但係食物質素一般，半隻炸子雞$300，但味道同普通酒樓無分別，唔值呢個價錢。個炒飯上碟個下幾香，口感都好，但凍咗之後發覺豉油味好重。嗌咗壺茶，諗住叫佢加水但嗌咗3次先有人理。食完主菜，諗住叫甜品，但大部份都冇，最後落咗個朱古力奶凍，點知等咗20分鐘都未有，追問經理嘅情況下竟然話一早就冇，但落單時職員話有，無又唔一早講埋單時職員又整爛咗張電子收據。個個職員都無乜表情，好似好唔願做整體感覺失望同差！！！！大部份座位都望到港島個邊，但海景唔算太清晰。