蠔站 (將軍澳中心) (已結業)

今日媽媽想食羊，上網搵係將軍澳有乜嘢地方有得食，依一間餐廳應該係新開，冇乜comment，因為方便就去咗食。叫咗豬手，生蠔，薄餅，同最緊要叫嘅羊架。生蠔新鮮，豬手同薄餅都好味，最失望反而係個羊架，因為冇乜味。反而想講嘅係佢哋嘅服務，服務員好參差，有啲好好，有啲好馬虎。最過分係我見到個服務員攞我哋件豬手出嚟嘅時候，因為好似會跌，竟然比我見到佢用隻手去托一托😱，my god，大菌食細菌，都冇同佢講，應該講都冇用。應該唔會再去。