麥兆記(祖傳)廣州雲吞麵

营业中

休息中

麥x記，剩係港島都好多間，邊個係祖傳就真係唔知，但今日都一試呢間。星期一，兩點，店內唔多人，只得3枱客倒。地方乾淨，仲有閉路電視，可𥄫住泊在門外的車！唔洗講，當然係食個蓉，幾餓，叫個$45的加大size！好快上。飲口湯，清清地，有魚味，胡椒味卻不重。食住麵，算幾爽口，但又未去到索索聲，但也不錯，起碼食到落底仍唔淋，別忘了呢碗係大的。雲吞係廣東的傳統細細粒的，一啖一粒，大小如魚蛋。蝦也當然係迷你size，尚算ok。有5粒，很標準。雲吞算得，麵也爽，但仍可更好。價錢就略貴。服務很快手友善。如果不是麥氐，會感覺幾平凡，可能食唔出添！要加油！