呢期聖誕節放假
心血來潮就去咗呢間中環嘅宿宿醉食
本身以為係一啲傳統嘅越南菜
但係佢哋嘅菜式擺設同埋做法顛覆左我嘅想像
望落去個樣感覺似食高級西餐
但食個口呢又真係似食緊傳統既越南菜
今次叫左幾款試下
最吸引到我嘅就係法式燒紐西蘭羊架
佢一份二百幾蚊但係有三個羊架
而且每一舊都有手掌咁大
個人認為真係十分抵食
佢嘅燒肉本身已經帶咗啲黑椒同埋鹽味
再加上佢哋特製嘅醬汁 酸酸地 好食又開胃
然後又叫咗個龍蝦 蝦肉大大份都勁厚下
而且仲有蝦膏 點完蝦膏再點少少鹽食
(少少鹽可以吊出蝦嘅鮮味)
我覺得鍾意食海鮮嘅朋友一定會愛上
因為都真幾好味！
最後仲帶咗碗扎肉粉
呢碗越南扎肉粉嘅味道真係好傳統
同出邊食嘅差唔多不過佢嘅湯底就冇味精味
唔錯！
