原來拉麵正正係指一間叫rasupermen既拉麵店, 翻查之下發現原來呢間拉麵前身正正係Mist既前身
Mist係少有既米芝蓮一星餐廳, 記得上一次，亦係第一次去Mist既時候係2011年8月既時候，那時候已經很愛吃東西,
剛好有拍了一些照片,下面的食評也會附上幾張 當時食完之後覺得係少數我想再光顧既拉麵店，後黎發現openrice上寫住話係裝修，直至rasupermen既流行我才發現Mist關了
幸運地亦感謝公關小姐Avis既邀請，與另外三位食友一起出席是次既試食活動，喜歡試新食物，更喜歡了解食物與餐廳經營背後所花既心思
Mist感覺係走高尚既路線，而Rasupenmen走既係時尚亦不失優雅，從正門色彩鮮明既logo已可感受到rasupermen有很強既Branding, 留意到職員穿著既牛仔褲背後褲袋正有Rasupermen既logo
餐牌:
一般來說,價格定得比MIST低,MIST拉麵都係過百蚊既,而RASUPERMEN既就係一百蚊以下
拉麵既口味亦同MIST既大同小異
Rasupermen
Mist
是次同公關小姐，老闆娘, 食友們坐係近玻璃既卡位上, 座位係梳化椅，坐得幾舒服聊天不錯之選, 餐具依然係置於櫃桶內
西瓜脆腩•脆麵沙律：
先要一讚呢個沙律既賣相，整體顔色既配合已很吸引，很夏日, 放係頂層係切成絲狀既，最特別既係放上了淮山絲，
整體再加上帶酸味既沙律醬, 那件脆腩很值得一試，很厚身既一塊, 炆得很稔很入味，入口有化既感覺
肥而不膩，稍嫌西瓜係較淡身，剛好吃下那一塊還係帶根既，如西瓜味道更鮮甜會更理想
迷你熱鍋鵪鶉蛋雞肉丼：
出奇地最吸引既唔係食物，而係用既深淺粉紅色相間既Le creuset小鍋，果然係有花心思既高成本製作，
低頭一看，原來用既餐具亦印有Italy, 果然用既餐具都一絲不苟, 雞肉飯健怡輕量，米飯用既係日本米，粒粒分明，食落很滑身, 實力平穩
冷超人麵牛肉精華沙律:Rasupermen加入了不少既創意菜式, 呢個麵既醬汁係呈啫喱狀,係一個牛肉味既Consomme
食落味道偏淡身,但不得不承認麵質很夠彈牙,很爽口, 亦很夠冰涼
黎到是日最期待既湯拉麵時間，食得太飽既關係，公關悉心安排可點一半分量
點了鹽味拉麵, 頂層灑上一層法國細葱，比一般既要幼細; 先試一口拉麵，不錯，雖然並無自選拉麵既硬度，但很夠硬身
;再試一口湯底，無味精既雞湯底喝下去果然很可口, 叉燒做得肥而不膩，夠入味，但比一般既容易散，可切得厚身一點
最鐘意既係糖心蛋，看上去很大隻，有光澤; 一咬下去，蛋漿一湧而下，中間既蛋漿呈液體狀，近蛋白既位置係半固體，黏性很強, 比Mist既做得要出色，上次食到Mist既蛋內壁係已呈固體，食下去沒有那麼滑身
美中不足既係麵稔得幾快，食到半碗左右，麵已經稔了，令鐘意食硬身拉麵只能享受到幾口呢
公關小姐安排左幾款甜品，
奶凍，又一証明Rasupermen 有很強既branding, 奶凍用一個精緻既小玻璃瓶裝住，用了印上logo既紙封口，系上可愛既蝴蝶結, 令人心動既包裝
焦糖味伴味噌, 個人認為係稍甜既一道甜品, 而中間既奶凍部分好像快要溶化
杏香奶凍
個人聽食物名字心裏一寒，杏汁食物係個人最唔鐘意既, 但呢個奶凍既淡淡杏汁香，很容易入口，不令人抗拒
鹽味雪糕，白米雪糕
推薦既兩款雪糕，味道很特別: 白米雪糕係奶香味雪糕，搭配上粒粒白米口感; 鹽味雪糕呈淺粉藍色，吃下去有點像波子汽水味, 可惜雪糕冰得太凍，有碎冰，不然口感會更香滑
小夏柚雪葩：食落清新感覺，微酸
總括黎講：以我抱住要食到mist心準既心情，高期望咁黎食rasupermen，呢餐已係滿意既一餐，拉麵整體黎講算係做得不錯；創意菜式做得不錯, 欣賞食物，更欣賞製作食物背後所花既心思
消費: $0
