翟道翟棉棉冰 (已結業)

近排hit食綿綿冰，呢隻有埋糯米飯嘅綿綿冰更加係hit上加hit，約咗好姊妹食飯打牌直落，為咗加强自己旺氣所以食冰先。仲要去旺中食冰，貪佢旺！ 好笑係我地唔熟路喺二樓兜咗幾個圈先揾到。連雜誌都賣通巷嘅糯米飯綿綿冰原來有三種味，唔似得芒果糯米飯咁悶，仲有泰奶茶黑糯米飯綿綿冰可惜賣晒，惟有要榴槤糯米飯綿綿冰。原來係我諗多咗我以為綿綿冰就係榴槤糯米飯味， 食過先知原來綿綿冰係榴槤味，佢下面有好大pat榴槤肉， 肉下面係煙韌嘅糯米飯， 飯嘅下層就係威化碎，有多層多層唔同嘅味道，食落好得意。 兩個人share呢食就啱，食完就好飽。成日聽啲男同事吹水，佢哋最鍾意講話綠帽唔怕戴最緊要除得快，睇嚟我要贈佢哋飲呢杯綠帽奶昔。 奶昔嘅味道好清新，就係喺泰國飲嗰種綠糖漿嘅味道。