影片
更多
2022-12-20
862 浏览
網爐燒肉！高質燒肉！唔洗搭飛機！唔洗去日本！黎到元朗就可以食到勁抵食又高質既網爐燒肉呢間位於元朗西菁街既一個隱世日式燒肉店，門外一系列既祭典燈籠再加上木質系列既裝修環境完全感受到日本既和風氣息。餐廳既燒肉燒爐採用明火小網爐燒，對於掛住日本街頭小店燒肉文化既麻甩專員，確實係一間令人回味又好玩既餐廳另外餐廳逢禮拜一至四仲會有個大割引時段，某部份食物仲要平到半價就食到，非常吸引！不得不讚，店內既座位都好闊落坐得幾舒服。餐廳既員工都好好招呼，上菜時會解釋某部份食材要點燒，而且定時會留意到網爐個網太燶會主動換網。對於價錢有優惠之餘仲要有好既服務，確實係難得。今次專員同朋友兩個人一齊黎食，時段有特價確實太抵食，忍唔住揀下揀下就點左10幾樣野食。上品和牛肉眼芯 $58(二切) (特價) 特選牛肉盛 $318 (特價)牛肉盛包括每樣都有四切既和牛肩肉、上品牛胸腹肉、上品和牛肉眼芯、汁燒牛肉。專員食法順序由汁燒>牛胸腹>和牛肩>和牛肉眼芯，簡直係完美！汁燒牛肉油花平均，有京蔥片拌住再加上牛肉燒汁，味道唔會太過鹹有咬口而且亦都好嫩滑上品牛胸腹肉薄薄地切一片已經好足夠將油香填滿晒成個
5 浏览
0 赞好
0 留言
唔洗搭飛機！唔洗去日本！黎到元朗就可以食到勁抵食又高質既網爐燒肉
呢間位於元朗西菁街既一個隱世日式燒肉店，門外一系列既祭典燈籠再加上木質系列既裝修環境完全感受到日本既和風氣息。餐廳既燒肉燒爐採用明火小網爐燒，對於掛住日本街頭小店燒肉文化既麻甩專員，確實係一間令人回味又好玩既餐廳
另外餐廳逢禮拜一至四仲會有個大割引時段，某部份食物仲要平到半價就食到，非常吸引！
不得不讚，店內既座位都好闊落坐得幾舒服。餐廳既員工都好好招呼，上菜時會解釋某部份食材要點燒，而且定時會留意到網爐個網太燶會主動換網。對於價錢有優惠之餘仲要有好既服務，確實係難得。
今次專員同朋友兩個人一齊黎食，時段有特價確實太抵食，忍唔住揀下揀下就點左10幾樣野食。
32 浏览
0 赞好
0 留言
3 浏览
0 赞好
0 留言
3 浏览
0 赞好
0 留言
特選牛肉盛 $318 (特價)
牛肉盛包括每樣都有四切既和牛肩肉、上品牛胸腹肉、上品和牛肉眼芯、汁燒牛肉。
專員食法順序由汁燒>牛胸腹>和牛肩>和牛肉眼芯，簡直係完美！
汁燒牛肉油花平均，有京蔥片拌住再加上牛肉燒汁，味道唔會太過鹹有咬口而且亦都好嫩滑
上品牛胸腹肉薄薄地切一片已經好足夠將油香填滿晒成個口腔，牛肉既鮮味特別濃厚，而且肉中帶住油花食落口都唔會覺得膩
和牛肩肉肉身同油花紋理仲更加分明，而且油感佈滿達到霜降程度。燒到五成熟左右少量焦脆既香感，沾上少少燒肉汁入口即溶，勁讚
而最後既和牛肉眼芯達到頂級級數既油花，見到油花超多佈直頭佈滿整塊切片。輕輕燒到三成熟放入口，咬落去既油脂完全佈滿口腔，勁香濃勁膩但又會想繼續食落去，完美！
22 浏览
0 赞好
0 留言
呢個部位不得了，因為脂肪唔多所以食落口時唔似其他部位咁肥膩同埋多油，但係肉質超級嫩滑非常腍身。
筋位食落口感覺好多骨膠原，唔肥亦都唔會唔瘦，鮮甜味道比起其他部位更甜
14 浏览
0 赞好
0 留言
1 浏览
0 赞好
0 留言
4 浏览
0 赞好
0 留言
2 浏览
0 赞好
0 留言
大量既香蔥同埋牛胸腹肉份量超級多，店員比左一個鍚紙盤可以將d蔥同埋牛胸腹肉放左入去燒
呢個牛胸腹肉油花都超級誇張，五花肉既紋理勁有油香感又不失肉味同肉質感，加埋香蔥微刺激感既香味簡直令到油膩感大降
燒好後夾入個迷你玉子飯到，介開個蛋黃再拌勻成個飯，蛋黃香配上呢個牛肉胸腹油五花，溶化晒入口咁既感覺
0 浏览
0 赞好
0 留言
牛舌芯紋理好均衡，觧嫩既紅肉灑上少少五味粉吊一吊個舌味出黎
將牛舌芯兩面燒到焦香感既口感最好食，舌芯既位置最香最嫩而且肉味好香濃。
49 浏览
0 赞好
0 留言
3 浏览
0 赞好
0 留言
比想像中大塊好多既雞皮，粉白色兩大片望落好新鮮。餐廳灑左少少既五味粉上雞皮到，愈烤愈香。燒雞皮好講手勢同專注程度，必須不斷翻再翻，先至可以確保所有雞油燒晒出黎，咁樣先會夠香夠脆而且唔會太燶。
1 浏览
0 赞好
0 留言
0 浏览
0 赞好
0 留言
肉身好飽滿既日本生蠔，而且蠔身屬於比較長既生蠔，隨生蠔有附上埋一碗仔調左味既蒜蓉。
店員細心提醒燒既時侯唔好將成隻蠔放上爐燒，因為會爆開以免有危險，所以燒既時侯要將蠔肉刮出黎放入錫紙盤內燒
專員比較鍾意食原味，所以都無加到蒜蓉入去。
燒蠔本身夠大隻，所以燒完都唔會縮到成隻唔見左。隻蠔比較重海水味口味上較creamy，整體都好新鮮。
1 浏览
0 赞好
0 留言
0 浏览
0 赞好
0 留言
0 浏览
0 赞好
0 留言
勁大條魷魚切件，勁級新鮮既魷魚好晶瑩剔透，魷魚頭圈位好有肉，燒完都唔會縮得太細。入口好彈口，鮮甜既味道帶住鹹鮮既味道不得了，好抵食。
18 浏览
0 赞好
0 留言
翠玉瓜 $14(六貫) (特價)
菠蘿 $16(四貫) (特價)
所有蔬菜都好新鮮，特價既價錢勁優惠，菠蘿夠酸夠甜，專員表示食燒肉一定要點黎燒，勁解膩。
16 浏览
0 赞好
0 留言
炸魷魚嘴不過不失，一個盤仔裝住份量上都幾多，沾埋個蛋黃醬黎食再飲埋杯啤酒，完全係好下酒既小食。
2 浏览
0 赞好
0 留言
白烚既支豆灑上少量既幼鹽係表面，每粒支豆都好飽滿，咬入口個陣每粒豆都夠實淨唔會粉到散開晒，份量夠多，鹹鹹地既味道絕對岩晒飲酒。
4 浏览
0 赞好
0 留言
沙律菜夠多夠水份，配上蟹籽同埋蟹柳絲加埋沙律醬，呢個二人既份量完全可以三個人一齊食都得
2 浏览
0 赞好
0 留言
15 浏览
0 赞好
0 留言
忌廉綠茶紅豆冰 $24 (特價)
飲品勁抵飲，由其是啤酒，700ml咁大杯既黑啤唔洗$50蚊就飲到！食日式燒肉唔飲返一杯大大杯啤酒點算係去食燒肉呢！
另外杯綠茶紅豆冰勁香濃，擠左唔少忌廉係杯紅豆冰上面。綠茶個茶底好香濃，溝埋個忌廉一齊飲多左份濃滑感，而且紅豆唔少，值得用滿分黎形容呢杯特飲
2 浏览
0 赞好
0 留言
最後都幾讚賞餐廳係做吸油煙方面做得幾好，食完返出去都唔會覺得特別大油煙味
而且而家冬天咁凍，入去暖笠笠享受住咁有日本風土味既燒肉，再飲住一杯啤酒，確實係一個思鄉又享受既好餐廳
张贴
