NUTTEA (兆英商業大廈) (已結業)

睇食評話呢間 NUTTEA 係無奶，岩素食主義者同對牛奶敏感既人士，但佢地又出名叫堅果奶 🌰🥛 ，幾得意咁，一於過黎試下杯野係咩味道啦。😆😆 兩個人，點左兩杯野飲，分別是宇治抺茶堅果奶蓋茶 & 伯爵朱古力堅果奶蓋茶。因為今日星期日，好似中環呢間分店無乜人，即叫即整，等左3分鐘左右，店員就為我們端上兩杯飲品，旁邊有飲管同匙。打開蓋係咁既樣：兩杯奶蓋都好creamy，有濃濃既堅果味，成杯飲哂都好飽肚。伯爵朱古力堅果奶蓋茶：奶蓋都是朱古力味，伯爵茶都無苦澀味，呢杯絕對係大熱受歡迎；宇治抺茶堅果奶蓋茶：抺茶味都好香，反而奶蓋就以原味堅果咁，可以試真d堅果奶蓋味道。