莊園韓國料理 (已結業)

上世紀既初戀，去過！之後既拍拖、緋聞女友，都去過！及後同好友、老婆，再繼續去！唔經唔覺，支持左莊園十幾年！第一次去，已經唔記得了，不過最近一次，只不過是上星期的事！又同老婆係CWB 開飯，由於將會去日本，所有日式食品要避戰！漢堡、車仔麵又食左啦，結果金雀同莊園2揀1，莊園勝出！今日叫左兩個燒肉，牛肉同五花腩。雖然只是兩碟肉，每碟收$100，不過莊園多年來水準穩定，而且十多碟前菜亦是成名之作之一。牛肉既肉味十足，而且份量都ok既。五花腩是6-7成肥3-4成瘦，愛食肥既人士一定滿意。當然，韓燒要自己燒，燒得好唔好食，自己都有責任既。其間白飯及有d前菜都有得refill，食左兩碗飯及兩碟泡菜、粉絲及青菜。其實前菜加白飯，都飽肚架，即時回想起係美國留學時，一行4-8人狂refill 前菜的日子！人手有點不夠，特別係多客之時，因此莊園既服務唔算太好，好多時都係舉手等一段時間，先有人黎理你。今晚又係咁，要叫埋單之時，先有人知你食完，急急腳送上生果及香口膠，而且成晚無加過茶.......有好有唔好，同戀愛歷程一樣，"沒有完美的一位，只有你至愛的一位！"~~~繼續愛莊園~~~